Sabtu, 9 April 2011

MANIFESTO PAKATAN RAKYAT SARAWAK - IBAN


























KAMI NEGI SERETA NGEMESAIKA kuasa rakyat, ngena jaku “BETUANKA RAKYAT”.

KAMI NGELALA menua Sarawak tu menua ti kaya ba pengeraja asal, ngembuan rampa kandang menua ti pemadu besai, tang diatu rakyat Sarawak nya raban orang Malaysia ti pemadu seranta.


KAMI NGELALA PENDIAU MENSIA MAYUH KE MERINSA beduduk ari upah ulih bekereja ti mimit bendar, peluang bulih kerja ti enda mayuh sereta nadai kerja ti meruan. Kitai merinsa diau ba tengah-tengah pengawa dagang ti besiping sereta dikuasa siku-dua orang ti dipilih aja. Rega-rega barang ti diguna, baka minyak petrol, gula, tepung, beras enggau atur pengangkut nyau majak niki. Ungkus pengidup kitai besehari-sehari semakin mar sereta nekul pendiau kitai. Pengidup kitai diatu udu merinsa!

TANG, ABDUL TAIB MAHMUD sida sebilik enggau bala orang ke dalam politik BN betambah kaya-raja ari ti beambi ulih ba rakyat Sarawak.

UMBAS MIH KITAI DIPERINSA KA PERINTAH BN UDAH TU! Tu mih maya kitai ngundi Perintah Pakatan Rakyat. Enggau tu, KAMI, PAKATAN RAKYAT, BESEMAYA DEKA BEJALAIKA semua polisi ti bepusat ba rakyat di Sarawak.


1. SENEKA DIRI MILIH SERETA MEGAI PENGARAP

KAMI MERI JAMIN, RAKYAT TAU SENEKA ATI DIRI MILIH SERETA MEGAI JALAI PENGARAP baka ti dituliska dalam Perlembagaan Persekutuan enggau nadai sebarang sekat enggau pilih-kasih ba pengawa ti meri bantu enggau agih belanja ngagai sebarang institusi pengarap lalu dalam atur ti endur nentuka ikas menua Sarawak nyadi sebengkah Menua ti sekular.


2. ATUR PERINTAH TI MANAH

KAMI BESEMAYA DEKA BEJALAIKA ATUR KERJA TI MANAH nitihka prinsip-prinsip ti benung dikena di serata dunya tu, baka Pengelandik Mangku Pengawa (Competency), orang megai pengawa ti Tau Dikarapka (Accountability) enggau Tampak (Transparency) (CAT), nyadika jalai atur pengawa ti beresi dikena ngemataka pengelantang mensia mayuh, ngaduka peluang bedagangh ti enda besiping lalu mulaika pemanah nama bansa, nangam penaluk ati ka menua diri enggau ngangkatka pemanah nama enggau basa ngagai sektor awam.

KAMI BESEMAYA DEKA NGAGIHKA pengaya menua tu ENGGAU BELA, lalu naka ulih munaska atur ti bepilihkasih, ngapuska penyalah makai-suap, kronsima enggau nepotisma.

KAMI BESEMAYA DEKA NUMBUHKA OPIS KOMISYEN PEMANSIK dikena mansik semua jaku dawa enggau tuduh pasal penyalah pengawa Kepala Menteri Sarawak, Abdul Taib bin Mahmud enggau bala kroni iya ke ngerampas hak rakyat dikena nentuka pengaya nya endang ukai enggi sida lalu diberi pulai ngagai rakyat Sarawak.

KAMI BESEMAYA deka ngadu Ombudsman dikena nerima repot ari orang maioh dikena ngelaban penyalah makai suap enggau salah guna kuasa ti dikereja bala menteri perintah enggau kepala-kepala Opis Perintah.

KAMI BESEMAYA DEKA MAI PULAI pengawa ngundi ba ikas kerajaan tempatan nyengkaum adat ruai enggau/tauka adat milih Tuai Kampung dikena mulaika kuasa ngagai nembiak-redak dalam semua ikas.


3. REFORMASI TANAH & OPIS KOMISYEN TANAH

(a) semua surat pala tanah ti udah abis timpuh deka dilanjarka timpuh ngagai 99 taun enggau enda bersyarat;
(b) semua notis s.47 deka diapuska serta merta udah ti digazet 2 taun;
(c) semua surat pala tanah perpetuity enggau bepala 999 taun deka ditejuka baka nya lebuh maya tanah nya dikemansangka;
(d) ba endur ti patut, pengawa nyukat enggau magi tanah deka dipejalaika ngena atur tender tebuka sereta tampak, lalu ukai diagih-agihka ngagai seraban kroni aja; lalu,
(e) sebengkah Opis Komisyen Tanah Adat deka ditumbuhka lalu diberi kuasa mansik semua bansa ambu ba tanah-tanah adat NCR, lalu disukat sereta diberi surat pala tanah nitihka sebengkah adat raban bansa asal di Sarawak.


4. NGEMUNASKA PENYERANTA

KAMI BESEMAYA deka numbuhka Gerempung Wang Turu Ngemunaska Penyeranta Menua enggau ungkup belanja RM1 Billion dikena nentuka nadai sebengkah ruang bilik di Sarawak tu idup dalam penyeranta ari baruh ikas penyeranta.

KAMI BESEMAYA DEKA MAJAKKA PENGAWA DAGANG DI MENUA-MENUA PESISIR enggau chara ngaga jalai ti deka besambungka kandang-kandang menua pesisir ti bukai ti deka mantu pengawa ngangkut perengkaperengka ti diguna lalu ngaga perengka ti diguna mensia mayuh baka sekula, palan penyaga anak mit, perengka pengintu pengerai enggau pengawa penyambung.

KAMI MEGA DEKA MERANSANG LALU NGELAKUKA pengawa dagang ti bepelasarka pengawa betanam-betupi nengah atur duit-jali mikro ke semua orang betanam betupi.


5. KAUL ENTARA PERINTAH MENUA-PERINTAH BESAI

DIKENA NGEMANAHKA KAUL PERINTAH BESAI-PERINTAH MENUA, bepelasarkan Sempekat Malaysia 1963, lalu dikena ngemataka sebarang pengawa ti ngelanggar sempekat nya diputarka enggau lengkas.

KAMI BISI BENDAR PENGARAP KE PAKATAN RAKYAT ULIH NUKAR PERINTAH BESAI, enggau tu, kami besemaya deka nikika royalti penguntung ari minyak petrol ti diuluka ari menua tu, ari 5% ngagai 20%.

KAMI PECHAYA ke pengawa ti ngambi orang bekerja ba perkhidmatan awam di Sarawak patut ngenuluka orang ari menoa Sarawak aja.


6. NUJU SARAWAK TI LEBIH BERESI ENDUR DIAU

KAMI DEKA NENTUKA pengawa bebasaka enggau bejalaika undang-undang pemeresi Menua enggau undang-undang Entarabansa enggau/tauka aum besai pasal rampa menua nyadika pesaka raban rebak ke dudi di Sarawak.

KAMI DEKA NGETUKA pengawa ngaga semua tekat hidro-elektrik ti digaga lebih ari patut, enggau lengkas.

KAMI TETAP NAGANG pengawa ngaga palan kuasa nuclear di Sarawak.


7. ATUR TI ENDA BESIPING KE SEMUA ORANG SARAWAK

KAMI TETAP nyukung pemansang ekonomi ti meruan, ti nentuka ka pemisi disadong sama rata nitihka pengerajin besemekih dalam semua pengawa enggau pengerembai chara pengidup ngena teknologi.

KAMI DEKA NENTUKAN dikena ngenanka diri ti manah enggau bala orang ti beranakka puku dagang, enggau chara nentuka sida beranakka puku enggau naka pengelama dalam atur bepukuka penegereja pengawa ari ti mantu tauka meransang ngena duit jali ke semua bansa pengawa gudang dikena ngangkatka pengelandik teknikal bala pengereja pengawa sida lalu mega atur-atur pengeluar barang sida.

KAMI BESEMAYA DEKA NGEREGISTER ENGGAU NAKA PENGELENGKAS semua raban bansa asal menua Sarawak ti nadai sebarang surat penerang pasal pengelala diri, lalu meri ke sida surat-surat ti nunjukka sida nya endang raban bansa Malaysia ti datai ari Sarawak.

KAMI BESEMAYA deka mantu enggau mata duit RM200.00 ke tiap iku anak mit ti baru masuk sekula ba Darjah Satu.

DIKENA KAMI MALAS PEMANAH BUDI kami ba orang ti tuai beumur 60 taun ke atas ti diau di Sarawak, kami deka mantu sida enggau duit belanja RM600.00 ke pengelantang pendiau sida, lalu kami deka numbuhka sebengkah atur pengawa nyukung raban bansa ba tiap bengkah majlis daerah enggau majlis perbandaran.


8. DAYA IDUP ENGGAU PENGAWA PELAJAR

KAMI BEBASAKA semua hak raban bansa asal ti belajarka jaku diri empu, lalu ngena jaku nya sebaka enggau guna pelajar ti bukai.

KAMI BESEMAYA nya semua sekula enggau enda ngira bansa sekula nya deka diberi bantu belanja ti besistematik baka ti diguna sida empu lalu nundaka chara ti dipejalaika di menua Pulau Pinang, Selangor enggau Kelantan, ngambika bala anak kitai bisi tinjau ti nyengala.

KAMI DEKA NENTUKA pelajar Sains enggau Matematik diajar ngena jaku English ba ikas sekula sekondari.


9. HAK RABAN ORANG INDU & PERENGKA TI DIGUNA ORANG TI ENDA BIDIK-LANSIK

KAMI MERI JAMIN ba atur ti nyemakaka ikas lelaki enggau indu lalu kami deka NGALUSKA semua undang-undang ti nyiping orang indu.

KAMI BESEMAYA deka ngaga palan-palan ke pengenduh bala orang indu ti ditemu udah kena penyati ba rumahtangga diri empu enggau palan pengintu anak mit dikena ngurang ke pemerat ari segi belanja enggau psikologi ti nating bala indai ti bekereja.

KAMI BESEMAYA deka ngaga mayuh agi sekula ke nembiak ti enda bidik-lansik.

KAMI DEKA BEJALAIKA ATUR ngambi orang ti enda bidik-lansik bekereja LALU KAMI MEGA BESEMAYA deka mampas pemanah orang ti sanggup ngambi bala orang ti enda bidik-lansik nya bekereja enggau sida.


10. PENGAWA BERANAKKA PUKU KEJEMAH ILA

KAMI BESEMAYA deka mutarka penanggul ketegal ai bah di Sarawak dalam kandang 2 taun.

KAMI DEKA MAJAKKA pengawa dagang ba maya ti lama ti bepukuka pengereja pengawa enggau perengka-perengka diguna ngambika Sarawak ulih nyadi kuasa ekonomi.

PERENGKA PENYAMBUNG WI-FI deka diberi pechuma dikena nentuka Sarawak nyadi sebengkah menoa ti bepelajar.

Tiada ulasan:

Catat Ulasan